El Proyeutu Mozilla
	El Proyeutu
	Comentarios
	Echar un Gabitu
	Grupos de Noticies
	Llicencia
	Newsbot

Pa Desendolcadores
	Mapa de Ruta
	Proyeutos
	Puertos
	Dueños de Módulos
	Remanar
	Garrar el Códigu
	Construyir

Probar
	Descargar
	Problemes
	Bugzilla
	Plumiar un Problema

Ferramientes
	Ver el Códigu
	Estáu del Árbol
	Coses Nueves
	Mandar un Problema

Entrugues
Gueta

Proyeutu Mozilla n'Asturianu

Mozilla ye’l navegador más modernu y rápidu d’anguañu, y l’únicu que cumple colos estándares d’internet especificaos pol www.w3.org . Mozilla ye un navegador de códigu abiertu nel qu’andechen permunchos voluntarios ya informáticos de delles empreses col enfotu d’algamar un navegador modernu, rápidu, y capaz d’adautase a les nueves necesidaes de los usuarios d’internet. Mozilla ye’l nome del proyeutu y del navegador, pero esti códigu ye afayadizu pa qu’otres empreses privaes desendolquen los sos navegadores cola so marca corporativa, como Netscape, AOL, o IBM, ente otres.

Les ventayes de los programes de códigu abiertu, amás de ser tan buenos o meyores que los desendolcaos por empreses, ye que cualquier persona pue apurrir la so migayina de códigu pa meyorar el navegador, o p’añadi-y una nueva función. Otra de les ventayes ye la posibilidá de revisar el códigu, cosa impensable pa otros navegadores comerciales. Esti puntu ye perimportante, porque permite atopar puertes traseres y zarrales, antes de que sean usaes por virus o axencies d’intelixencia.

Nel casu del asturianu y otres llingües minoritaries, apurre la posibilidá d’asoleyar un programa dafechu n’asturianu. Ye perconocío que les grandes multinacionales de la informática nun van gastar perres na torna a llingües minoritaries porque nun hai un beneficiu económicu granible, nin van dexar que voluntarios faigan la torna de baldre porque’l so códigu ye mui valiosu. Nel casu de Mozilla, el desendolque del códigu ye tan ñidiu que fai que la versión n’asturianu s’asoleye al empar que la inglesa, alemana o italiana.

En Marzu del 2002 asoleyóse la versión 0.9.9 de Mozilla. Esta versión ye muncho más estable, rápida y compatible que munchos de los navegadores más conocíos, como Netscape 4.75 o Internet Explorer 5.0. Pero’l finxu del proyeutu Mozilla ye algamar un nivel de rapidez y compatibilidá muncho mayor. Cuando estos estándares s'algamen, na primavera del 2002, ufiertaráse una versión perestable que fadrá de Mozilla 1.0 ún de los meyores navegadores de la historia d’Internet. Magar de que Mozilla yá furrula muncho más rápido y meyor qu’otros navegadores, anguañu hai un gran esfuerzu dedicáu a facer que Mozilla seya a amosar fueyes web vieyes o que nun empleguen códigos d’internet estándar (como'l HTML 4.0).

Les posibilidaes de Mozilla son conocíes polos falantes d'asturianu, que lleven descargando les versiones más modernes d’esti navegador y los paquetes de llingua asturiana dende hai casi un añu. L’arquitectura del programa permite tener instalaes varies llingües nel mesmu ordenador, y l’usuariu pue escoyer ente l’asturianu o otra llingua. Eso fai de Mozilla una ferramienta perafayadiza pa ordenadores compartíos como los de les escueles, biblioteques o universidá. Sólo queda que la xente siga disfrutando de Mozilla n’asturianu, y equí pue entamar el camín pa la xeneración de más programes n’asturianu.

Si quies saber más del proyeutu Mozilla, pues atopar información na fueya oficial (n'inglés).

Pa ver imáxenes de Mozilla n'asturianu, calca n'elles.