NOTICIES Asturshop Estadístiques E-mail

Rareces de la Gaita Asturiana
Gaita de Manuel Álvarez Vega
La gaita asturiana, como tal evolucionó, y evoluciona col tiempu. Na antiguedá yera fácil alcontrar gaites nes que tuvieren pieces de diferentes constructores, pero hubo un constructor que dexó señal na estética la gaita asturiana, y foi Cogollu, gaiteru y constructor de lo cabero'l sieglu XIX y lo cimero'l XX. La so forma de facer gaites marcó lo que güei conocemos comu la Gaita Tradicional d'Asturies.
Gaita de Manuel Álvarez Vega, pá de "Cogollu"
Donación del Gaiteru Veriña al Muséu la Gaita de Xixón.
Rescatada del olvidu nun horru en 1952, anque créyese que la so época seya mitá del sieglu XIX.
Semeya: Pablo Arce. Col permisu'l Muséu la Gaita de Xixón.
Pero non toos los constructores seguíen o siguen el mesmu patrón. Podemos alcontrar:
  • Roncón cola copa ovalada, que presenta inxertos dos resonadores de forma diverxente. El timbre ye similar al d'un roncón convencional. (Ver semeya)
  • Punteru con cápsula. Alcontráu na gaita d'un gaiteru'l Centru Asturianu de Bruseles (Bélxica) en 1950. Trátase d'un punteru que tien una cápsula de boxe, que permite extrayer ya intercambialu por otru ensin falta de sacar la payuela, colo que puédese camudar el punteru ensin peligru de frañala.
  • Reparación de punteros mediante encolamientu y anudamientu con filu de nylon, que llega a aplastar la madera.
    		•
    Roncón de salida doble.
    Roncón de dos boques.
    Pieza de Fermín de Lada.
    Semeya: Pablo Arce. Col permisu'l Muséu la Gaita de Xixón.