|
Info-Web Gaita Asturiana
Info-Web gaita asturiana ye un serviciu gratuitu d'envíu de noticies acerca'l mundu la gaita
a los sos suscriptores.
Info-Web gaita asturiana obtien la so información d'aquella xente que quier difundir
daqué d'interés común de los gaiteros. Por ello nun se responsabiliza de la posible falsedá
o error d'algunes d'elles, asína como de les sos repercusiones nos distintos ámbitos.
27-VI-2002
Web de Llariegu
La banda de gaites Llariegu estrena la so web n'esta direición:
http://www.coala.uniovi.es/~xabi/llariegu/llariegu.php3?seccion=presentacion
Informa: Rubén Suárez
23-VI-2002
Corvera ye ya banda de 1º gráu nel Campeonatu Gallegu
La Banda de Gaites Corvera d'Asturies consiguió nel so primer añu de participación nel Campeonatu Gallegu de Bandes de Gaites
asecender de 2ª a 1ª división d'esti certamen con 250 puntos.
Asína mesmu la Banda Gaites Candás resultó la campeona de les bandes asturianes que participaron n'esta 3ª fase'l Campeonatu celebráu
baxo'n sol de xusticia con temperatures qu'alcanzaron los 40º ena Plaza Mayor de Valladolid. 87 puntos consiguió Candás, 83 Corvera
y 81 la Tayuela de Mecer, bandes que dexaron peraltu el pabellón asturianu na capital castellana.
Per otru llau, la banda campeona del Campeonatu foi la Banda de Gaites "Ledicia" de Sanguiñeda de Mos que derrochó calidá y
experiencia na carpa. La Banda de Gaites del Centru Gallegu de L'Hospitalet de Barcelona resultó la campeona de 2º gráuo y
"O Barquiro" de Mañón en 3º.
www.bandasdegaitasgalegas.com
Esta ye la direición cola que se presenten les bandes Cidade de Ferrol, Xinzo de Limia, Celanova y Kallacoi ena rede. Esta nueva páxina
que esta selmana amplía conteníos, irá poco a poco dándonos a conocer el mundu de les bandas de gaites galleges y los sos cancios.
Conciertos de San Xuan
Esta nueche les fogueres tarán animáes por gaites en diferentes puntos del Principáu. Esti ye'l panorama musical d'esta nueche:
En Llugones a les 22:00 actuan "Ciquitrinos" y "Llangres", en Xixón los conciertos comiencen a les 22:30 ena playa de Poniente
colos mierenses Skanda, pa l'ambientación de la foguera, a eso de les doce de la nueche, va a tar el grupu de percusión "Ucronic",
formáu por percusionistes cubanos, africanos y asturianos que combinen ritmos tradicionales asturianos con djembes, tambores,
panderetes, bodhrams...etc. Dempués de la foguera actuará la bandina lliderá por Alberto Varillas "Ástura". N'Uviéu podremos ver
a "Corquiéu" ena plaza de la Catedral a partir de les 00:00 dempués de prender la foguera de la capital.
La cita más importante pa los aficionados al folk ye tradicionalmente la del embalse de Tresona nel conceyu de Corvera.
Esti añu los organizaores decidieron recortar el númberu de grupos qu'en otres ocasiones provocaba que los conciertos llegaren
fasta la mañana del día 24. Esta vegada van ser cinco grupos, los irlandeses "Dervish", una de les poques oportunidáes pa ver una
de les bandes más importantes de la escena folk internacional, seguirán "Blackwater" y el grupu de folk veníu de Cáceres
"Los niños de los ojos rojos". Como no, no podíen faltar unos clásicos de esta nueche como son "Dixebra" y "N'arba".
10-VI-2002
El campus de Mieres se estrena con folk
Esta selmana son los actos d'inuguración del nuevu "Campus de Mieres", y ente la llarga llista d'actividáes atopamos dos importantes
conciertos Folk.
El primer conciertu sedrá esti vienres 14, actuarán Luar na Lubre, el famosu grupu gallegu que fai bien pocu presentó'l so últimu
discu "Espiral", y dempués Liliana Castañón Quarteto. El conciertu comenzará a les 20:00 nel aparcamientu del nuevu campus de Mieres.
El día siguiente nel mesmu llugar y mesma hora actuarán "Ástura", bandina formá por Michael Lee Wolf, Alberto Varillas,
Marga Lorences y Manuel Cordero que presentó disco esti añu col nombe de Tradición. Dempués, como traca final,
tocarán Llan de Cubel, que siguen col proyectu de grabar les sos actuaciones pa un próximu discu en direutu.
Fuente: asturies.com
08-VI-2002
Tres bandes asturianes actuarán nel Campeonatu Gallegu en Valladolid
La Tayuela de Mecer sedrá la primera banda asturiana que desfile pela carpa de 2º gráu'l Campeonatu Gallegu de Bandes de Gaites
que s'instalará ena Pza Mayor de Valladolid el día 23 de xunu. La Tayuela de Mecer a les 11:48, la B.G. Candás con José Ángel Hevia
al frente a continuación (11:57) y Corvera d'Asturies a les 12:42.
Asína mesmu tamién habrá presencia asturiana ena carpa de 1º gráu ya que Manuel Durán sedrá xuez allí de percusión.
Valladolid acoyerá durante dos díes el mayor alcuentru de gaiteros que enxamás viera esta ciudá. El día 22 de xunu
celebraráse ena Sala Borja (xuntu Pza de la Universidá) a les 19:00 el concursu de gaiteros solistas qu'organiza la federación
gallega de bb. gg. y el día 23 dende les 10:00 fasta les 15:00 irá viendo pasar peles sos respectives carpes a los más de
3.500 gaiteros que participarán. El campeón de 1º gráu podría percibir (dependiendo de la diputación a la que perteneza)
unos 25.000€ de premiu aprox.
III Festival folk de Trebolgu
El grupu folklóricu Trebolgu organiza la tercera edición del so festival con un gran cartel d'actividáes que durarán tou'l 15 de xunu.
Les actividáes comenzarán a les 10:00 de la mañana nel parque'l oeste d'Uviéu, xuntu'l nuevu campu fútbol, con una alborada ena
que van participar delles bandes de gaites, y a les 12:00 la tradicional sesión vermú ena qu'habrá puestos tradicionales,
y animará l'ambiente el grupu baille Trebolgu y les bandes de gaites Xiranda y Ciudad de Oviedo, pa no perder fuerces habrá
un repartu del bollu, y nun podía faltar una amuesa de toná. Pola tarde vamos tener xuegos pa neños a partir de les 16:00, a les
17:00 comenzará'l festival folclóricu Trebolgu, más tarde una amuesa de deportes rurales, y enantes de la nueche folk pieslla les
actividáes Milio colos sos cuentos a las 21:30.
A les 22:00 llega la nueche folk que va a empecipiar coel grupu gallegu "Irtio", dempués llegan los Ciquitrinos
que van tar muy activos esti branu gracies a la bona acoyida que yos ta dando el públicu. Dempués sube'l escenariu una banda muy
esperada polos aficionáos al folk bretón, y que tuvo gran influencia enos grupos asturianos de folk como "Llan de Cubel",
la mítica banda "Kornog", qu'amás d'actuar nesta nueche, tamién van facelo nel salón d'actos del Antiguu Institutu de Xixón el día 17,
y nel chigre Ca Beleño el día 18. Y pa finar con fuerza esta nueche que meyor que "Dixebra", colos nuevos cantares del que va
a ser el so nuevo trabayu "Sube la marea".
Fuente: asturies.com
01-VI-2002
Diego Pangua presenta'l so discu
Diego Pangua presentó'l día 31 de mayu'l so primer discu ena Salle d'Uviéu. Con motivu de dicha presentación celebróse
posteriormente una espicha en Colloto.
Nesti discu Diego presenta cancios con gaita asturiana y dalgunos temas con gaita midi.
Los sos nuevos compañeros de Felpeyu acompañaronlu ena presentación.
Alcuentru internacional de luthieres en Francia
Saint-Chartier (Francia), acoyerá del 11 al 14 de xunetu un alcuentru internacional d'artesanos
musicales de too'l mundu. Más de 130 luthieres de gaita, curdión diatónicu, buzukis, flautes y zamfones amás de conciertos
como'l de Carlos Nuñez, Lúnasa, Ti Jaz, Bugel Koar ... poderánse disfrutar en xunetu n'esta villa gala.
Lorient reúnse n'Asturies
Toes les delegaciones de los diferentes países participantes nel Festival Intercélticu de Lorient reunieronse n'Uviéu y la
Pola d'Allande durante la pasá selmana pa debatir los diferentes eventos a celebrar en próximes ediciones asína como
collaboraciones mutues ente países.
Les Xanes presenta la so gaita irrompible
Frutu de la collaboración de la empresa asturiana Les Xanes cola fábrica Du Pont, ye'l ñacimientu d'una nueva gaita realizá nun
polímeru irrompible, idónea pa xóvenes aprendices que ronda los 420€.
Fonte: La Nueva España, 23-V-02
El folk asturianu en movimiento
Brenga Astur acaba de finar la grabación del so nuevu discu que saldrá a la lluz n'España ena seronda, lista pa ofrecer
la so xira por Estaos Xuníos durante esti vrano.
Asína mesmu'l grupu ribesellano Corquiéu actuará ena nueche celta de Lleón ena nueche de San Xuan.
Felpeyu, grupu que tamién tá'n procesu de grabación d'un nuevu discu, prepara les maletes pa la so xira por Australia.
Nuevu métodu de gaita
El gaiteru Guti tá a punto presentar el so nuevu método de gaita qu'aparecerá en varios volúmenes.
El primer volúmen en salir a la lluz sedrá el de nivel d'aniciu y tá abaláu pola Escuela de Música Ciudad de Oviedo.
Disco de La Raitana
La Banda de Gaites La Raitana de Nava y Piloña dirixía por Flavio Benito grabó un discu nel Muséu de la Sidra de Nava que saldrá
en breve a la venta.
29-V-2002
Nalgañu viaxa a Suiza
El Grupu Gaites Nalgañu viaxará el próximu día 30 de mayu hasta la ciudá suiza de Berna en representación
del Exmu. Ayuntamientu de Siero pa participar nun festival solidariu polos asturianos d'Arxentina.
Dichu festival celebraráse nel Centru Asturianu de Berna.
Informa: Pablo A. Díaz, Grupo de Gaites Nalgañu
Asturies en Lorient 2002
Esti añu sedrá la Banda Gaites "Llariegu" de Sariegu, actual campeona del campeonatu d'Asturies
celebráu n'ochobre pola FIGA, la que represente a Asturies nel Festival Intercélticu de Lorient ena Bretaña francesa.
Asína mesmu acompañaránla'l grupu baille "Na Señardá" de Xixón y el grupu folk "Corquiéu" de Ribesella,
ente otros los que representarán al nuesu país en dichu festival.
Amás ye de reseñar qu'Escocia renunció al so añu en favor d'Asturies colo que'l 2003 sedrá otra vegada añu d'Asturies en Lorient.
Informa: Rubén Suárez
III Concurso de Gaiteros Mozos
L'Ayuntamientu de Bimenes en colaboración con Cajastur convoca el III Concursu de Gaiteros.
Estes son les bases del concursu:
BASES DEL CONCURSU DE GAITEROS Y GAITERES MOZOS Y MOCES
Primera: Podrán tomar parte tolos/es concursantes que quieran, siempre a títulu personal. Los/les concursantes han de tener menos de 18 años el día 6 de xunetu del añu 2002.
Segunda: La propuesta d'inscripción tien de formalizase unviando per corréu los datos personales, onde constarán nome completu, teléfonu de contautu, señes del autor y fotocopia del D.N.I. a:
III Concursu de Gaiteros/es Mozos/es
Ayuntamientu de Bimenes
Martimporra, s/n
C.P.33527
Bimenes-Asturies.
Tercera: El concursu va tener dos estayes: Una preseleición pública y la final.
Pa la preseleición, el/la concursante tien d'interpretar dos temes a escoyer ente:
1. Muñeira Remis
2. Diana floriada Verina
3. Fandangu puntiáu
4. M. Pr. del Carmen
5. Xota'l Centru
6. Marcha'l Tao
7. Alborada'l paxarín
8. Xota Pumariega
Pa la final, de 6 concursantes seleicionaos/es, el/la participante tendrá d'interpretar 2 temes, ún de la mesma llista y otru llibre.Les canciones han de ser interpretaes ensin añedíos nin supresiones.
Cuarta: La rellación de participantes fadráse pública´l día 24 de Xunu del añu 2002, nun actu abiertu al públicu, que tendrá llugar nel Centru Sociocultural de Rozaes. Nesti actu, va sortease l’orde de participación na preseleición.
Quinta: La preseleición tendrá llugar el día 29 de Xunu, a partir de las 16:00 h., nel Centru Sociocultural de Rozaes. Nel casu que’l númberu de participantes seya mui altu, la preseleición continuará’l día 30.
Sesta: La final del concursu va ser el sábadu 6 de xunetu del 2002, de les 19 hores a les 21.30 hores, en Xenra, Bimenes.
Sétima: Los/les concursantes han d'emplegar como instrumentu la gaita tradicional asturiana en cualesquiera de les sos modalidaes.
Octava: Establécense los siguientes premios:
1u : 150€; 2u : 90 €; 3u : 60 € ; 4u : 42 € ; 5u : 36 € ; 6u : 30 €
Novena: La non presentación o incomparecencia na preseleición o na final tendrá de ser comunicada cola másima antelación y va trayer consigo la descalificación de los/les concursantes. El/la concursante tendrá de presentase como mínimo 30 minutos enantes del entamu, tanto pa la preseleición como pa la final.
Décima: El fallu del Xuráu será inapelable; asina mesmo, resérvase'l drechu a la meyor interpretación d'estes bases, a les que s'obligarán los/les concursantes poI fechu de formalizar la so inscripción.
Oncena: La fecha tope pa la receición de les inscripciones ye’l 21 de Xunu del 2002, a les 15:00 hores.
EI Xuráu tará compuestu por miembros cualificaos, designaos por esti Ayuntamientu y presidíu pol alcalde del Ayuntamientu de Bimenes o persona na que delegue.
09-V-2002
Feria d'artesanos ena Ascensión
Con motivu de les fiestes de L'Ascensión n'Uviéu, celebraráse esti próximu
fin de selmana la Feria d'Artesanos d'Asturies ena Pza. del Fontán. Nesta feria daránse cita los principales luthieres
de gaita del país: Mori, Pravianu, Carlos M., ARHPA, Miguel Alonso-Les Xanes SA, ente otros constructores y artesanos.
El viax a Oriente de Korea
La Banda de Gaites de Corvera d'Asturies viaxará a Korea en xunu p'actuar nel macrofestival folklóricu
que prepara el país asiáticu con motivu de los mundiales de fútbol. Del 8 al 16 de xunu daránse cita formaciones
de toos los países clasificáos al mundial, siendo un de los grupos que representan a España esta banda asturiana.
Fuente: Rafa Blanco
Concursu de composición Avante Cuideiru
La asociación Avante Cuideiru vuelve a convocar el concursu d'arreglos musicales esti aña.
Próximamente publicaremos les bases d'esti concursu.
01-V-2002
Les Xanes patenta el nuevu procesu
de construición industrial de les gaites
L'empresa de gaites de Santu Adrianu patentó les sos dos innovaciones nel mundu de la industria musical.
La primera novedá que patenta Les Xanes ye la d'un soplete realizáu en dos partes roscáes que permiten l'intercambiabilidá
de la boquiella, impermeabiliza el soplete y resuelve el problema de la lengüeta con un nuevu sistema.
La segunda novedá que protex ye'l torneáu del exterior ya interior del punteru por tornu de control numbérico controláu
por ordenador, tipu de torneáu precisu y ultrarápidu que permite obtener precios finales más baratos
(el modelo más baratu de la fábrica sedrá de 420€).
L'empresa asturiana tá preparando la so llegada a América y presentará ena feria de La Ascensión d'Uviéu
los sos produtos nun stand de la Plaza del Fontán.
Fonte: La Nueva España, 27-IV-02
Próximes actuaciones folk
El grupu folk xixonés "Felpeyu" dio l'últimu adiós a la ya mítica taberna celta de Xixón El Trisquel ayer día 30 d'abril.
Este grupu que tan lligáu tuvo a esti bar quiso despedise d'esti xeitu del local que pasará próximamente a ser derruíu.
Por otru llau'l chigre celta uvieín Cá Beleño recibirá el día 2 de mayu a les 22:30 al grupu asturianu "Bron".
23-IV-2002
Nueche celta ena Felguera
Col motivu'l centenariu del colexu La Salle,
La Felguera preparó una Nueche Celta pa'l día 4 mayu con cartel de luxu:
Llangres, N'Arba, Felpeyu y Llan de Cubel.
Fonte: Rafa Blanco
17-IV-2002
Mieres tá de Folixa
Tos los años por estes feches tenemos una cita en Mieres na
Folixa na Primavera qu'esti añu vien más cargá de gaita que nunca.
Con actuaciones de bandes de gaites, grupos de baille, solistes, conferencies,
y los grandes conciertos del vienres y sábadu nueche la Folixa va ser un puntu
d'alncuentru de gaiteros.
Esti sedrá el programa de actividáes de los próximos díes:
El xueves 18 Manuel Cordero ofrecerá una conferencia
so "La percusión na música tradicional asturiana"
a les 20:00 na Cá de Cultura de Mieres "Teodoro Cuesta".
El vienres podremos ver al grupu de baille Xorrecer,
la banda gaites Villa de Mieres, teatru, asína como la actuación de
tres participantes del troféu Mc. Callan,
Jorge Fernández Areces, ganaor "Mc. Callan",
añu 1995, Diego Pangua Cuesta, ganaor "Mc. Callan" añu 2000,
y Celso Díaz Cuervo, ganaor "Memorial Remis Ovalle" añu 2001 na mesma
Cá de Cultura. Pola nuche la bandina "La Galvana" amenizará l'espera de les actuaciones
del grupu folk cántabru "Luétiga", y la gaitera gallega Susana Seivane,
a partir de les 22:30 de la nueche na pista del Parque Xovellanos
El sábadu durante toa la xorná bandes de gaites, grupos de baille y deportes tradicionales
enllenarán de color la villa, fasta la nueche que sedrá l'actuación de Corquiéu y Wolfstone.
El domingu 21 tamién habrá actuaciones tóu'l día de música tradicional y diverses actividáes
caleyeres.
Pa más información visitá-y esta web con too'l programa de fiestes.
5-IV-2002
Cursos estivales d'asturianía
Los cursos qu'el Conseyu de Comunidáes Asturianes tien preparáu ofrecer esti vrano
pa emigrantes de tou'l mundu ya tien feches y llugar.
Anque nun primer momentu pensóse na posibilidá de que los cursos s'ofrecieran en Perlora,
finalmente estos desarrollaránse n'Uviéu del 16 al 26 de xunetu. Los cursos que s'ofrecerán serán
de gaita, baille y percusión.
En breve ofreceremos más información so'l conteníu completu de los cursos, programa,
profesores ya inscripción pa los distintos Centros Asturianos esparcíos pel mundu.
|
Ties noticies, anuncies sobre gaita, dalgún comentariu ... escribe: 
Date d'Alta'l Info-Web Gaita Asturiana
Baxa'l Info-Web Gaita Asturiana
|
|
