|
Info-Web Gaita Asturiana
Info-Web gaita asturiana ye un serviciu gratuitu d'envíu de noticies acerca'l mundu la gaita
a los sos suscriptores.
Info-Web gaita asturiana obtien la so información d'aquella xente que quier difundir
daqué d'interés común de los gaiteros. Por ello nun se responsabiliza de la posible falsedá
o error d'algunes d'elles, asína como de les sos repercusiones nos distintos ámbitos.
27-III-2002
Selmana Santa folkie
Llega una Selmana Santa cargá de conciertos folk n'Asturies.
Esti vienres día 29 actuará "La Bandina" nel Mercáu Astur de Xixón, el sábadu pola nueche
en Villanova de Santu Adrianu "Dixebra" presentará'l so nuevu discu en direutu xuntu les actuaciones
de "Tejedor", "Ú?", "Corquiéu" y "Ziquitrinos". Amás el día 1 d'abril "Felpeyu"
dará un conciertu ena villa d'Avilés y "Corquiéu" repetirá actuación el 4 d'abril nel Cá Beleño d'Uviéu.
2ª fase del campeonatu gallegu de bandes
La banda asturiana de Corvera participante nel Campeonato Galego de Bandas de Gaitas,
obtuvo 84 puntos quedando provisionalmente fasta la fase de Valladolid en cuarta posición de segundu
grado.
Así mesmu l'empresa de gaites ubicá en Madrid ARHPA y José Ángel Hevia,
desplazáronse fasta Viana do Bolo onde se desarrolló la segunda fase'l Campeonatu gallegu pa
exponer allí los sos modelos de gaites. Esta empresa presentó comu novedá'l Plan Renove de gaites,
ofreciendo 200€ por una gaita vieya mercando una nueva.
Nueves webs interesantes
En primer llugar vamos suxerivos les dos páxines hermanes a la nuesa sobre gaites d'otros paises
como la gaita de foles portuguesa y el sac de gemecs catalán.
www.gaitadefoles.net
www.sacdegemecs.com
Tamién vos suxerimos dos webs d'interés xeneral al gaiteru n'Asturies.
La primera ye la de la tienda d'indumentaria ya instrumentos tradicionales de Xixón "Vezos y costumes"
qu'inaugura la so web con dominiu propiu. Tamién vos proponemos echar una güeyá'l punteru llectrónicu
qu'ofrez Área Musical.
www.vezosycostumes.com
www.area-musical.com
20-III-2002
Banda Gaites Santander.
La vecina Cantabria tá desarrollando tamién el mundu de la gaita. Ena ciudá de Santander tá formándose una nueva Banda Gaites
al más puru estilu'l marcu Atlánticu. D'ella fay-se cargu el direutor asturianu Miguel Alonso
y Diego Purón de la percusión.
Informa: Rubén
9-III-2002
El Campeonatu Bandes Gallegues asturianízase.
Si ya tábamos acostumáos a ver desfilar bandes asturianes pel campeonatu vecín, esti añu
marcóse cola bandera asturiana esti festival pues paez que l'arranque del campeonatu n'Asturies
picó a les bandes a dexase ver nesti tipu eventos.
Si la Banda Gaites Corvera d'Asturies presentóse como la primera banda asturiana en
competir oficialmente en toes les fases xuntu les gallegues en dichu campeonatu, ye n'esta segunda fase'l
campeonatu en Viana do Bolo cuando s'estrenen varios xueces asturianos de percusión en diferentes graos.
Amás, la Banda Gaites la Tayuela de Mecer de Madrid, confirmó la so participación na 3ª Fase'l
Campeonatu gallegu a celebrar en Valladolid nel mes de xunu.
El Mercáu Astur de Stu. Adrianu
traerá importantes actuaciones folk este año
El Mercáu Astur que se celebra anualmente en Villanova de Stu. Adrianu, dedicáu ca añu a una nación celta,
traerá importantes actuaciones pa la nueche'l sábadu 30 de marzu. Tejedor,
La Col.lá Propinde y Dixebra ente otros grupos darán la nota musical a un mercáu que ya de por
si atrae a gaiteros y músicos d'Escocia, Gales, Irlanda, Bretaña o Galicia.
Cá'l Tamboriteru
La selmana que vien estrénase la páxina web del percusionista asturianu, Cá'l Tamboriteru,
qu'incluyirá un pequeñu métodu de tambor, partitures de los cantares más tradicionales del
repertoriu asturianu, instrumentos de percusión n'Asturies, toques de pandereta, tensáu del tambor
tradicional y mantenimientu ente más conteníos.
La páxina que tará incluyía dientru de la Web de la Gaita Asturiana tien prevista la so
presentación el xueves 14 de marzu.
27-II-2002
Nueva Banda de Gaitas en Castrillón
La Banda Gaites "L'alborcer" de Castrillón hará hoy su presentación oficial
en la Casa de Cultura de la villa a las 20:00h. La nueva banda dirigida por
José Manuel Tejedor se da así finalmente a conocer ante la sociedad y el mundo de la gaita.
19-II-2002
Fecha tope pa la Banda Principáu
La direutora de Cultura de la Conseyería del mesmu títulu del Principáu d'Asturies punxu fecha tope pa un alcuerdu ente les distintes organizaciones de gaiteros asturianos (CEGA, FIGA, Asociación Remis y Direutores d'Escueles de Música Tradicional). Si estes asociaciones nun llegan a un alcuerdu enantes el 15 marzu la Conseyería dará carpetazu al asuntu.
Asturies cunta ya cola so primera fábrica de gaites
Ena tardi d'ayer Les Xanes S.A., fábrica de gaites de Santu Adrianu, presentóse oficialmente ante la
prensa comu la primera fábrica de gaites ya indumentaria d'Asturies. La presentación foi dirixía
pol alcaldi del Conceyu D. José Ramón Menéndez y el Direutor de la Sociedá Rexonal de Promoción del
Principáu d'Asturies, organismos que son los principales accionistes d'esta iniciativa xuntu a distintu
capital priváu.
La fábrica cunta ya con nove empleaos, cinco pa'l taller d'indumentaria tradicional y cuatro pa'l
de gaites asína comu cola colaboración especial d'un de los socios del proyeutu, l'artesanu colungués
Miguel Alonso Cachafeiro. La fábrica afirma tener ya encargos de 150 gaites procedentes de diferentes
escueles municipales de música tradicional y confeición de traxes pa un añu pa diferentes bandes del
Principáu.
La empresa tuvo un llargu procesu de tresformación dende que nel añu 1999 viera la lluz el taller
d'emplegu, xermen d'esti proyeutu. Dende esi tiempu l'Universidá d'Uvieu tuvo andechando cola empresa
pa'l estudiu físico-musical de la gaita asturiana y el so estudiu de viabilidá económica.
Fonte: La Nueva España (19-2-02)
Próxima renovación de la web
Ca vegada supon más trabayu la renovación d'esta páxina día a día más grande gracies a les más de 20.000
visites dende que reside'n www.asturies.com , amás del notable crecimientu de visites en francés que tá
viviendo la Web de la Gaita Asturiana que supon la continua traduición a cuatru idiomes d'esta páxina.
Por eso tamos trabayando en axilizar la web, nun pa que pierda na, sinon pa qu'aumente
en conteníos, servicios y velocidá.
Comu adelantu podemos cuntaros que'n breve la páxina dispondrá de diferentes foros de discusión
acerca'l mundu de la gaita y la percusión, incluyendo nueves seiciones y quitando otres ya obsoletes,
nueves partitures de percusión ente otros servicios on-line.
Intentamos meyorar día a día (¿dalguna suxerencia?, GRACIES)
15-II-2002
Valladolid otra capital de la gaita
Por extraño que paezca, la capital castellan-llionesa, ensin tradición gaitera, tá convirtiéndose nun auténticu faru de la gaita fora'l mundu astur-galaicu. 6 bandes veníes dende Galicia tuvieron amenizando l'antroxu comu aperitivu de los 3.500 gaiteros que s'esperen en xunu pa competir ena 3ª fase'l Campeonatu Gallegu de Bandes de Gaites que se celebrará n'esta mesma ciudá. Non en vanu n'esta ciudá que non llega a los 400.000 habitantes coexisten dos escueles de gaites, la del Centru Asturianu con 16 alumnos y la de la Casa de Galicia con 54 sólo en gaita y 11 percusionistes.
Por Valladolid pasaron nos últimos años bandes como La Viga Travesá, Villa Mieres, la Real Banda de Ourense y la 2ª Banda de la Real asína como la Bagad de Kemperle en sendes ocasiones por destacar algunos de los grupos de gaiteros escoceses, bretones y sobretoo gallegos que ya resulta tradicional ver nes fiestes de Valladolid.
Marzu y les actuaciones de la Tayuela
La Tayuela de Mecer, la banda de gaites asturiana de Madrid, da'l pasu en marzu a la so xira d'actuaciones pela Comunidá de Madrid. El 2 de marzu actuará pa'l grupu "Los Errantes" que dirix Iñaki Peña del programa Trébede de Radio 3 ena Sala Galileo y durante el fin de selmana de San Patriciu la banda actuará nos distintos locales irlandeses en Madrid capital (día 16) y Getafe (día 17).
26-I-2002
ARHPA amplía la so web
La fábrica madrilana de gaites Hevia, Parrado y Aragón amplía la so web con dos seiciones nueves, FÁBRICA na que nos muestren los sos talleres y tornos y BIBLIOTECA na que incluyen partitures ya información pa'l gaiteru.
http://www.arhpa.com
Informa: José Ramón Cuesta, gerente de ARHPA
Llangréu solicita la so exclusión como participante'l Campeonatu
La Banda Gaites Llangréu solicitá a la páxina Web de la Gaita Asturiana la so exclusión de les tables de puntuaciones como participante nel I Campeonatu Nacional de Bandes de Gaites Asturianes.
La banda, que nun se presentó al campeonatu organizáu pola FIGA el pasáuo 8 d'ochobre de 2001 esperándose los diez minutos de rigor na carpa, afirma nun habese inscrito nunca pa dicho campeonatu y solicita la so exclusión de les puntuaciones.
Info-Web forma el mayor colectivu de gaita asturiana ena rede
El serviciu gratuitu d'unvíu de noticies de la Web de la Gaita Asturiana ye lleíu periódicamente por más de 250 persones enderreor del mundu. Amás debe tenese en cuenta que dalgunos de los suscriptores son coleutivos o foros de debate como el popular y polémicu gaita_asturiana.
Info-Web agrupa al mayor colectivu de gaiteros asturianos ena rede.
Gracies a toos vosotros.
24-I-2002
La Raitana actúa en Italia
La Banda Gaites la Raitana de Nava y L'Infiestu foi
invitá a la 57 edición de la Fiesta del Almendru en
Flor y al 47 Festival Internacional de Folklore que
tendrá llugar en Agrigento (Sicilia, Italia) del 5 al
10 del próximu mes de febreru, en representación d'Asturies.
A los dos festivales asistirán en total
veinti grupos folklóricos y cuatro bandes de too'l
mundiu, que participarán nos conciertos que se
realizarán nes plazes y teatros de dicha ciudá asína
como la gran marcha final que finará nel Teatru
Griego que domina la ciudá.
Amás, coincidiendo col so viaxe a Agrigento, la
Banda Gaites la Raitana colgó de la rede la so nueva
páxina web, que podéis visitar en www.laraitana.com .
N'ella podréis ver la trayeutoria de la banda coles sos
actuaciones mas destacáes, asína como la su hestoria y el
curriculum del so direutor, Flavio Rodríguez Benito.
Informa:Olaya García
Material de percusión pola rede
Una empresa española distribuy material de percusión pa bandes de gaites pola rede, un tipu
material perdificil d'atopar y con mal serviciu en xeneral. La direición http://www.marchingdrum.galeon.com
24-I-2002
Nueva Banda Gaites en Castrillón
El próximu martes día 15 a les 19:00h, tendrá llugar ena Casa Cultura Piedres Blanques
la presentación de la nueva Banda Gaites Castrillón cuyo maestru gaiteru y direutor ye
José Manuel Tejedor.
Más gaita asturiana ena rede
L'artesanu Miguel Alonso Cachafeiro lánzase a la rede en http://www.gaitasmiguelalonso.com como otros artesanos van faciendo ya n'Asturies.
1-I-2002
El Festival Intercéltico agota sus entradas en París y prepara una segunda noche celta
El éxito arrollador de la convocatoria del Festival Intercéltico de Lorient en el Estadio de Saint-Denis en París para el 15 de marzo, ha acabado con todas las entradas para el evento, lo que ha obligado a la organización a organizar una segunda noche celta para el 16 de marzo para la cual ya hay vendidas 13.000 localidades.
Informa: Mr González
La fábrica de Gaitas e Indumentaria Les Xanes comienza a funcionar
El próximo 3 de enero comienza a funcionar como empresa Les Xanes S.A., radicada en Villanueva de Santo Adriano (Asturias). Tras un largo proceso como Taller de Empleo la empresa sale a la luz con el apoyo del Principado de Asturias, Ayuntamiento de Santo Adriano e inversores privados. Presenta modelos creados por la Universidad de Oviedo/Uviéu y materiales minerales nuevos de Du-Pont.
Informa: Departamentu Calidá Les Xanes S.A.
Corvera obtiene 83 puntos en Galicia
La banda de gaites de Corvera d'Asturies obtuvo 83 puntos en la primera fase de la liga galega de bandas de gaitas celebrada en Viveiro el 23 de diciembre/avientu, siendo la primera banda asturiana que participa plenamente en dicha liga. Quedó 6ª de segundo grado, empatando con otras tres bandas de un total de 25 participantes en dicha categoría.
Informa: Rafa Blanco
19-XII-2001
Corvera d'Asturies na Lliga de bandes gallega
Asturies ya vien teniendo últimamente constante presencia nel campeonatu vecín, pero por primera vegada
una banda decídese a participar nel campeonatu y nun ser invitada a sólo una fase. Ye la banda
de Corvera que foi inxertada en segundu gráu por ser la primera vegada en participar.
Informa: Rafa Blanco
|
Ties noticies, anuncies sobre gaita, dalgún comentariu ... escribe: 
Date d'Alta'l Info-Web Gaita Asturiana
Baxa'l Info-Web Gaita Asturiana
|
|
