|
Info-Web Gaita Asturiana
Info-Web gaita asturiana ye un serviciu gratuitu d'envíu de noticies acerca'l mundu la gaita
a los sos suscriptores.
Info-Web gaita asturiana obtien la so información d'aquella xente que quier difundir
daqué d'interés común de los gaiteros. Por ello nun se responsabiliza de la posible falsedá
o error d'algunes d'elles, asína como de les sos repercusiones nos distintos ámbitos.
05 - 04 -2003
Actuación del Grupo Pericote de
Llanes en México
El día 5 d'abril, a les 7.30 p.m. hora llocal, actuará'l
grupu baille "El Pericote" de Llanes nes instalaciones del Centru
Asturianu de México.
Informa: Gerardo Mungía
La FIGA cambia de Xunta
Direutiva
La FIGA, ún de les dos asociaciones existentes de gaiteros n'Asturies,
camudó hai poco de Xunta Direutiva, resultando nuevu Presidente
José Luis García (Villa de Xixón) y Blas Rodrigo
(Corvera d'Asturies) de Vicepresidente.
III Alcuentros de Escueles de Música
Tradicional de Mieres
El III Alcuentruo d'escueles tradicionales de música cellebraráse'l
sábadu na Casa Cultura «Teodoro Cuesta» de Mieres.
Esta tercera edición cunta con importantes novedaes. Dende les
once la mañana aniciense cuatro talleres musicales. Andrés
Valdés impartirá'l de mantenimientu ya igua de los instrumentos
de percusión; Daniel Rosada, el de mantenimientu ya igua del curdión
diatónicu; de la manu de Eva Tejedor tará'l taller de cantu
ya pandereta, y el so hermanu José Tejedor y Jorge Areces, el de
acompañamientu de gaita y tonada.
A partir les cincu y media de la tarde aniciarase l'actu
que la conceyala d'Educación, Soledad Pérez, define como
«xornada de convivencia musical», onde diez escueles de música
de la pais interpretarán dellos temes de la música tradicional
asturiana.
Les escueles son les de Cinco Villes, Llanera, Taramunde, Castrillón,
Coaña, Carreñu, Sotu Ribera, Piloña, Nava y Mieres.
1er. Troféu de Gaita "Folixa
na Primavera" en Mieres
1er. troféu de gaita asturiana "Folixa na Primavera 2003".
Ya pa nacíos a partir de 1985, siendo la so cellebración
el 11 d'abril a les 16.45 nel Centru Cultural de Caxastur.
L'instrumentu será gaita asturiana d'un roncon. Pieza obligatoria
"Fandangu puntiau" más otra llibre, tiempu máximu
6 minutos. Premios: 1º: 270 euros y troféu, 2º 180 euros
y troféu, 3º 150 euros y troféu.
Inscripciones ya/o información al fax: 985464529 o al teléfonu
985456293
Premio "Fini Suárez"
Na Folixa de Mieres otorgaráse'l premiu"Fini Suárez"
(n'homenax a la desaparecía percusionista, profesora de dellos
grupos de baille y miembro de "Muyeres"), a D. Fernando Ornosa
Fernández, d'Uviéu, poles sos aportaciones al folclor ya
etnografía asturianos.
Asturies escontra la Guerra
Catorce artistes participaron el día 4 nos Xardinos del Náuticu
de Xixón escontra la Guerra contra Irak. Ente los artistas alcontrábase
Victor Manuel, Tejedor, Nuberu, MariLuz Cristobal, Xuacu Amieva, Ramón
Prada, Anabel Santiago, Dixebra, Corquiéu, Julio Ramos, Toli Morilla,
Nacho Vegas, Rafael Lorenzo, Batulax, Goggles y Dixebra. L'Aytu. de Xixón
collaboró cola instalación del escenariu y los contautos.
2-IV-2003
Mieres presenta la so Folixa na Primavera 2003 (12 y 13 d'abril)
El conceyal de Fiestes de l'Ayuntamientu Mieres, Manuel Méndez Carnero, presentó'l cartel musical pala fiesta de la Folixa.
Ente los grupos más destacaos, qu'actuarán el segundu fin de selmana d'abril, tará'l grupu de folk irlandés Tannahil Weabers. Amás,
durante'l fin de selmana grande de la Folixa tamién actuarán los grupos La Col.lá Propinde, de la Pola L.lena,
y Gaiteros de Lisboa, un grupu portugués de folk percusionista. Como solista actuará Xosé Manuel Budiño, prestixiosu gaiteru gallegu,
con el que'l consistoriu pretende abrir el fin de selmana de conciertos.
El presupuestu con el que cunta esti añu l'ayuntamientu pa ellaborar el cartel musical asciende a 45.000 euros frente a
los 32.000 de l'añu pasau en vista de l'éxitu d'esta fiesta. La intención de los responsables municipales ye celebrar
los conciertos de la Folixa ena pista del parque Xovellanos, como los años anteriores. A pesar de les obras de meyora y rehabilitación
del parque "pondremos l'escenariu na zona sur, a pesar de qu'ocuparemos una zona agora pesllé poles obres" dixo el conceyal de fiestes
ena rueda de prensa qu'ofreció a los medios. L'intención de los rexidores ye ocupar la zona en obres pa dexar más sitiu
a los que quieran ver los conciertos, amás "así conseguiremos que les terraces lo vean", añadió.
|
Ties noticies, anuncies sobre gaita, dalgún comentariu ... escribe: 
Date d'Alta'l Info-Web Gaita Asturiana
Baxa'l Info-Web Gaita Asturiana
|
|
