¿Por qué'l son d'una gaita de Si bemol ye mayor que una gaita en DO?
Dos gaites d'igual potencia (Watios), una en Do y otra en Si bemol
producen unes ondes sonores en nota base de 528 Hz y 475'2 Hz respeutivamente.
El nuesu oidu nun percibe toes les frecuencies a igual intensidá, sinon que percibe meyor ciertes
frecuencies qu'otras (correición denominada dB (A)), principalmente lo que meyor escuchamos son
les frecuencies de 1000 a 4000 Hertzios (frecuencies onde tá la voz humana). Polo tanto a la
frecuencia de DO hai que resta-y 3 decibelios y a Si bemol 5 decibelios (la intensidad dóblase
o cae a la mitá cada vegada que sumamos o restamos 3 decibelios).
Polo tanto a igualdá de potencia suena más una en DO que una de Si bemol. Peru la cuestión tá'n que
la gaita en Si bemol tien una payuela qu'emplega más presión de aire pa poder sonar,
y polo tanto la so potencia final ye mayor.
¿Por qué una gaita, cuantos más roncones tien más volume?
El son del punteru ye amplificáu pol soníu'l roncón, y nel so caso de ronquín entá más.
Al son de puntero (528 Hz en gaita de Do) améstase'l del roncón (132Hz) (y ronquín nel so casu
266 Hz), con frecuencies en resonancia d'interferencia constructiva'l estar en relación de númberos
sencillos (528 / 4 = 132 Hz, 528 / 2 = 266 Hz). Esto provoca que'l númberu de decibelios (dB(A)),
increméntase a traviés d'una suma logarítmica:
Lt (dB)= 10 log [Lp1 /10 + Lp2/10 + ...]
El roncón y el punteru nun tienen la misma intensidá sonora, anque xeneralmente existe una diferencia
de unos 5 ó 6 dB. Al tratase d'una suma logarítmica podemos concluir que, aproximadamente,
cada roncón incrementa ente 1 y 1'2 dB la intensidá la gaita.
Como subir el volume al doble ye subir 3 dB, con tres roncones podríemos facer que la gaita
sonora'l doble. Dos roncones incrementen unos 2/3 y un roncón 1/3 el volume la gaita.
Además les notes que más sonarán, al ser armónicos, serán: Do, Mi, Sol, Do y Mi de requintu n'orde
ascendente.
¿Cuántes más gaites, más volume?
Si, pero nun sube'l volume d'una banda por cada gaiteru que pongamos, pues nun hai
progresión llineal.
Dos gaiteros sonarán el doble que ún, pero 4 el triple, 8 el cuádruple, 16 el quíntuple ...
Polo tanto necesitamos una progresión exponencial (2 a la n gaiteros / 2), pa poder amplificar el volúme
d'una banda gaites. D'equí deduzse qu'entre una banda de 16 gaiteros y una de 20-22 apenes será
perceptible l'aumentu volúme, pues hasta los 32 gaiteros nun se doblará'l soníu.
El por qué vien dáu pola expresión:
L = 10 log (nº gaiteros x I)/I0
Onde I ye intensidá sonora e IO intensidá acústica de referencia.
¿Nun local d'ensayo, ónde me coloco pa oyime meyor?
Defínese col indiz de directividá y el factor de directividá d'onda sonora.
Si colócome al aire llibre tendré un fáctor Q=0, y escucharé la mio gaita ensin más.
Si colócome nel centru d'una sala tendré un Q=2, y la mio gaita sonará'l doble (+3 dB).
Si colócome frente una pared, tendré Q=4, y sonará el triple (+6 dB).
Si colócome nuna esquina, tendré Q=8, y sonará el cuádruple (+9 dB).
¿Hasta ónde se me oye tocando?
Si toca un gaitero solu, ca vegada que dupliques la distancia en metros disminuirá 6 dB (el cuádruple
del so volúme a 0 metros).
Si quien toca ye una banda, ca vegada que dupliques la distancia en metros respeutu
d'ellos, reduciráse en 3 dB (reduzse la mitá'l so volume).
¿Por qué los mordentes nel tambor nun pueden ser un golpe
coles dos manes a la vez?
Cuando golpeamos sobre una membrana tensa producimos una onda de tipu circular que refléxase
so'l too'l parche. Al facer dos golpes consecutivos producimos una interferencia constructiva
na que la elongación de la onda ( =intensidad =volúmen ) ye simplemente la suma de la elongación
de los dos golpes.
Asina'l realizar un mordente (un golpe seguíu d'otru en mui breve espaciu tiempu) tamos produciendo
el doble de son que si dieramos un simple golpe coles dos manes a la vez.
