Lo primeru de too ye conocer l'instrumentu que vamos tocar (mirar seición de tambor). Agora acerquémonos a él:

Una vegada les sabemos agarrar entamamos tocar con elles, pal ensayu (sobre too les primeres vegades), ye recomendable tocar sobre una caxa sorda (mirar seición de percusión de banda) pa ensayar yá que serános más cómodo y fadremos menos ruíu. Pa entamar a acostumbranos a les baquetes fadremos una serie d'exercicios escritos en partitura darré. La forma de lleer partitures de percusión ye idéntica a la d'otros instrumentos salvo algunes clares diferencies: como ye llóxicu'n percusión nun hai notes y por eso escríbense n'una llínia; la llínia cimera representa la manu drecha y la d'abaxu l'izquierda. Cuandu alcontramonos una corchea pequeña tachá al lláu d'una figura, esto quier decir que tenemos que facer un fla o mordente, ye decir, dar coles dos manos con una diferencia de milésimas de segundo (nunca se dan les dos a la vegada). Otra peculiaridá son los redobles, representáos con rayines so la figura, los acentos y los drags o dobles mordentes.