| TEMAVI | ||||||
|
| TEMAVI | ||||||
|
1) Gramática:
Les preposiciones
a, baxo, cabu~co, contra~escontra, de, dende, en, ensin, ente, fasta~hasta, hacia, pa, per, por, según, so, sobre, tres Observaciones
Pa amás del so significáu de direición au se va tien tamién el significá de llugar au se ta:
Güei nun tán equí, tán pa Xixón (Hoy no están aquí, están en Xixón)
Ente amás del so significáu qu'indica "nel mediu d'otros oxetos" ("entre" en castellanu), tien tamién el significáu de "delantre de".
Taba falando con Xuan ente casa (Estaba hablando con Xuan delante de casa)
Escontra amás del so sentíu d'oposición a daqué indica direición hacia onde se va o aprosimación espacial o temporal:
Foron escontra Uviéu (Fueron hacia Uviéu)
Per y Por
Per tien n'asturianu un usu d'espaciu y tiempu.
Por tien usu causalPer
Úsase pa referise a:
a)Llugar per onde se va y sitiu onde se ta:
Baxa pela cai (Baja por la calle)
Anden pel camín (Andan por el camino)
Van per casa tolos díes (Van por casa todos los días)
Vieno per Payares (Vino por Payares)
b) Tiempu pel que pasa daqué:
Foi pela mañana (Fue por la mañana)
Fíxolo per Xineru (Lo hizo en Enero)
Trabayen pel día, non pela nueche (Trabajan por el día no por la noche)
Por
Úsase nel restu de les ocasiones:
La obra ta fecha pol conceyu (La obra está hecha por el municipio)
Púnxose malu por nun beber (Se puso malo por no beber)
Vendiéren-ylu por un millón de pesetes (Se lo vendieron por un millón de pesetas)
¡Repara!
Nun ye lo mesmo:
a) Trabayar por Asturies (a favor d'Asturies)
Trabayar per Asturies ( a lo llargo d'Asturies)
b)¿Por qué lo faes? ¿Por qué lo haces?
¿Per qué camín lo faes? ¿Por qué camino lo haces?
Xuntures de preposiciones
N'asturianu ye mui común xuntar dos preposiciones:
Pa en: Déxalo pa en casa.
Pa con: Ye mui atentu pa cola familia.
Pente (per+ente): Taba pente'l matu.
Tres de: Guardárense tres del coche.
2) Toponimia:
Conceyos y Parroquies d'Asturies II
Llee la Toponimia d'Asturies d'Espaciu y Tiempu.
3) Exercicios:
Si quies que los tos exercicios seyan corrixíos unvia esti formulariu. Nun escaezas poner la to direición d'email pa poder devolvételu corrixíu. Amás, tolos Xueves na canal d'IRC #asturiEs, de 22 a 23 hores (horariu d'Asturies) comentaránse los exercicios y el tema que correspuenda. Si ties duldes o entrugues: entrialgo@asturies.org
Emplega per o por, en munchos casos fadrán falta contriaiciones per/ por + artículu: Cuandu estes dos preposiciones van siguíes d'un artículu ( el/ la/ los/ les/ lo) pierden la "r".
Exemplu:
Buscaben a los rapazos..... los llugares habituales
Solución: Buscaben a los rapazos pelos llugares habituales