El Café Trisquel retoma esti xueves los conciertos cola actuación de Felpeyu. L’históricu grupu de folk asturianu va protagonizar una folixa “monumental” que va dar entamu a les 22 hores nesti establecimientu xixonés.
Esti sábadu va tener llugar un conciertu en Siero pa recaudar perres pal Valledor, parroquia d’Ayande arrasada pol fueu n’ochobre. La Coḷḷá Propinde, Tuenda, Héctor Braga, Anabel Santiago y Spanta la Xente collaboren nesta gala.
La radio pública asturiana va principiar a emitir el programa 'Sones', ún de los de más ésitu que tien la TPA, pela RPA. L’estrenu va tener llugar el domingu cola retransmisión de la segunda semifinal del XV Concursu Cuenca del Caudal.
El Teatru Municipal de L’Entregu va acoyer esti vienres la gala inaugural del XV Concursu de Tonada de Samartín. Los campeones de la edición anterior, Marisa Valle Roso y Héctor Braga, van participar na primer actividá del certame.
Esti vienres, a partir de les 20.30 hores, va tener llugar nel xixonés Teatru Xovellanos la presentación del primer discu de De Miguel, Wolfe y Quintana. Ésti lleva’l nome de ‘Xota pa tres’ y bebe de la tradición asturiana y el jazz.
Alfredo González ta acabante d’asoleyar el so tercer trabayu d’estudiu, el segundu qu’incorpora la llingua asturiana. ‘Dobleces’ ye un discu doble con diez cantares n’asturianu escritos por Pablo Texón y otros diez propios en castellanu.
José Manuel Tejedor y Alberto Ablanedo, Gueta na Fonte, Blima y Na Zona van participar esti vienres en L’Entregu nun conciertu solidariu col Sáḥara Occidental. Un Orbayu en el Desierto entama esta actividá.
La Casa de la Cultura de Candás acueye dende esti vienres y hasta’l 8 de xineru la esposición ‘Pasáu, presente y futuru de la Banda Gaites Candás’. Nella van poder vese semeyes, vidios, traxes, preseos y el troféu de campeón de la Liga Galega.
‘Dixebra XXV. 1987-2012’ ye’l nome del trabayu discográficu col que la banda avilesina celebra los sos 25 años de vida. Nél inclúinse versiones nueves de temes vieyos, como ‘Merucu Xusticieru’, remezcles y samples.
El 28 de mayu pasáu, Duerna convirtióse en ganador del VI Concursu Escenariu Prau, que tenía como premiu la grabación d’un discu esti mesmu añu. El trabayu yá ye una realidá y va presentase con un conciertu especial en La Felguera.
Esti vienres, a les 20 hores, el Teatru Nuevu de La Felguera va acoyer la presentación del primer discu en solitariu de Marisa Valle Roso. ‘De lo fondero l’alma’ ye’l títulu d’esti trabayu d’una de les grandes promeses de la canción asturiana.
Yá ta confirmáu l’horariu del conciertu de Nuberu d’esti domingu nel Teatru Nuevu de La Felguera que va servir de pieslle de les II Xornaes Culturales ‘Los xueves de castilletes y carbón’. Va ser a les 20.15 hores y la entrada, la voluntá.
El Conceyu de Samartín del Rei Aurelio celebró esti vienres un homenaxe a les muyeres cantantes de tonada del conceyu. L’alcalde, Enrique Fernández, reconoció l’aportación d’estes artistes a la cultura asturiana.
La compositora Janna Eijer (Fryslân) foi la ganadora del Liet International, festival de la canción en llingües minorizaes celebráu’l sábadu n’Udin (Friûl). Skama la Rede, que participó col tema ‘Condenáu’, finalizó n’octava posición.
Esti sábadu va celebrase n’Udin (Friûl) una edición nueva del Liet International, festival de la canción en llingües minorizaes. Skama la Rede va representar a Asturies nesti certame col cantar ‘Condenáu’.
Bacotexo, banda de rock del occidente del país, yá tien a la venta el so segundu trabayu discográficu. Trátase de ‘Homes invisibles’, LP con doce cantares en gallego-asturiano que supón la confirmación del grupu.
El XVI Roue Waroch, festival que va tener llugar los díes 17, 18 y 19 de febreru na población bretona de Pleskob, va tar dedicáu a Asturies. Delles bandes del país van llevar la nuesa música a esti eventu qu’axunta a miles de persones.
El sábadu 19, a partir de les 19 hores, va tener llugar n’Udin (Friûl) el Liet International, festival de canciones en llingües minorizaes. Asturies va tar representada por Skama la Rede y la gala va poder sentise en direutu al traviés de Radio Sele.
Uviéu y Bual van poder sentir esta fin de selmana la música de Tuenda y los cantares del so tercer discu. Mentes, el sábadu en Xixón, dellos grupos asturianos van entamar un conciertu de sofitu a la RTPA onde l’asturianu va tener presencia.
La población bretona de Trébeurden va acoyer esti sábadu y domingu’l Festival Tro An Dans, entamáu pola agrupación folclórica Meskajoú. Esti certame va tener presencia asturiana gracies a la participación del Grupu Señaldá.
