L'Asociación de Llagareros valora negativamente la Llei del Audiovisual que restrinxe la publicidá de sidra. Poro, piden a los diputaos asturianos defender una redacción distinta.
Aurora García Rivas ta acabantes d’espublizar ‘As razóis d’Anxélica’ (Trabe), la primer novela escrita na llingua más occidental d’Asturies, concretamente na fala de San Tiso.
El viceconseyeru de Promoción Cultural y Llingüística, Jorge Fernández León, dixo que'l Principáu nun va siguir trabayando nun proyeutu de capitalidá cultural europea "que nun esiste".
El Ministeriu de Cultura destacó güei la xubida de les ventes de llibros nel Estáu y l'aumentu del ISBN nes llingües oficiales. L'asturianu nun ta contabilizáu al nun tener esi rangu llegal.
La conceyala del PP Carmen Vega acusó al conceyal de Cultura, Román Antonio Álvarez, d'aceptar cinco factures por valor de 16.533 euros pola organización del festival Beltaine.
El diputáu d'IU nel Congresu, Gaspar Llamazares, preguntó al Gobiernu español pa la so contestación escrita, información relativa a monumentos del Prerrománicu asturianu.
Xuventú Asturianista reclamó nun actu d’homenaxe a Pachín de Melás, la reconocencia institucional de la figura del escritor xixonés al ser “un patriota y un exemplu pa tolos asturianos”.
UNA va aldericar nel so congresu sobre l'estáu de la industria cultural, amosando una crítica contra “la so morfoloxía actual en manes de la política y el diseñu cultural del PSOE”.
Xuventú Asturianista y el PAS convoquen una concentración el sábadu 6 de marzu n'homenaxe y alcordanza d'Emilio Robles Muñiz, más conocíu col nomatu de ‘Pachín de Melás’.
Les actes del II Conceyu Internacional de Lliteratura Asturiana de l'Academia de la LLingua yá tán nes llibreríes. El congresu, estudió’l pasáu, presente y futuru de la lliteratura del país.
