Rosa Fernández prepara una espedición p’ascender el Manaslu

La montañera Rosa Fernández anució esti martes la so intención d’ascender el Manaslu, en Nepal. La espedición de l’asturiana tien previsto salir el 8 de setiembre y algamar la cume d’esta montaña de 8.163 metros el 12 d’ochobre.
 
Emilio Marcos Vallaure, conseyeru de Cultura y Deporte, acompañó a Fernández na presentación del so proyeutu próximo, que va partir el 8 de setiembre con direición a la cordillera del Himalaya, en concreto a Nepal. L’oxetivu de l’asturiana nesta ocasión ye’l Manaslu, una cima con un campu base cómodu, pero con una ruta peligrosa, de manera especial ente los campamentos 1 y 2, onde hai riesgu d'argayos de nieve.
 
“Nun ye la primer vegada qu'intento agatiala”, señaló l'alpinista, qu’esplicó que la espedición qu’entama tien “otru sentíu” al “tar dedicada a la llucha contra'l cáncer”, indicó Fernández. La deportista sufrió esta enfermedá nel añu 2009 y a lo llargo d'esti tiempu tuvo que “combinar el cáncer colos montes”.
 
Mentes, Vallaure señaló sobre Fernández que “ye la nuesa meyor alpinista”, pa depués bromear al destacar que “nesta ocasión va xubir un monte pequeñín”.

Comparte...                                    

Enllaz permanente