Palacios y San Miguel lleguen esti xueves a Asturies tres conseguir la lliberación del ‘Gernika’

Rafael Palacios y Miguel San Miguel van llegar na tarde del xueves a Asturies tres conseguir el miércoles la lliberación del ‘Gernika’. Los cooperantes de la Flota de la Llibertá principiaron el llunes una fuelga de fame na embaxada n’Atenes.
 
Las autoridaes portuaries griegues fixeron ayeri dos inspecciones al 'Gernika' y informaron a los sos propietarios que podíen navegar si nun tomaben rumbu hacia Gaza, oxetivu cimeru del barcu cargáu con ayuda humanitaria pa la población palestina. Sicasí, ello nun ye un fracasu pa los cooperantes que formaron parte de la espedición, que destaquen la rotura del bloquéu mediáticu qu’algamaron cola so ación. “Punximos n’evidencia cómo Israel estendió les sos fronteres a Europa, onde bloqueáronse los barcos de la II Segunda Flota de la Llibertá por razones polítiques”, aseguró dende Creta, onde taba secuestráu’l ‘Gernika’, l’activista Manuel Tapia.
 
La llegada de Palacios y San Miguel ta prevista pa les 20.30 hores na estación d’ALSA de Xixón, onde familiares y collacios van recibilos tres un viaxe solidariu de más de 20 díes qu’acabó na embaxada del Estáu español n’Atenes, edificiu que los activistes ocuparon de manera pacífica pa denunciar el bloquéu griegu y esixir la intervención del Ministeriu d’Asuntos Esteriores. Esta intervención nunca llegó.

Comparte...                                    

Enllaz permanente