Google incluye a España ente los “países censores d'internet”

Google faló ayeri nel Senáu d'EEUU sobre la censura na rede, asitiando a China como’l mayor censor d’internet, pero asitiando al Estáu español xunto a territorios como India o Irán.

La vocera de Google, Nicole Wong, intervino énte los miembros de la comisión para la Democracia, Seguridá y Llibertá d'Espresión na Rede, falando sobre la censura del so guetador y otros servicios en dellos estaos.
 
Wong esclarió que China ye'l mayor censor, pero tamién mentó a España nel llistáu d’estaos detalláu na cámara de los EEUU. Y ye qu’España, xuntu China, India, Paquistán, Irán, Myanmar y Etiopía, censuró'l so serviciu de blogues en dalguna ocasión.
 
Según señalen dalgunos medios de Madrid, los fechos acontecieron en 2007, cuando un xuez ordenó’l pieslle de dos blogues que pidíen el boicot a los productos catalanes.
 
L'informe presentáu por Google reflexa que la censura n'Internet medró nel mundu, en llugar d'amenorgase y permanecer como fechos aisllaos. Anguaño son más de 40 países los que s'atopen na llista del guetador. "Un bon númberu de países democráticos consideraron perxudiciales delles páxines web y censuráronles", aseguró Woods.
 
Google afirmó nel Senáu norteamericanu, qu’había qu’entamar a sofitar la llibertá d’espresión, falando del Estáu de drechu y alvirtiendo que los países que censuren podríen ver amenorgaes les sos inversiones estranxeres.

Comparte...                                    

Enllaz permanente