La flota de cercu del Cantábricu pide un conceyu urxente con Espinosa

La flota de cercu del Cantábricu-Noroeste solicitó una xunta "urxente" y "inmediata" con Elena Espinosa, pa tratar la "grave" situación del sector una vez acabada la cuota de xarda.

Confíen en qu'esi alcuentru cola ministra de Mediu Ambiente, y Mediu Rural y Marín se produza "lo primero posible", "mañana o pasao a más tardar", según manifestó a Europa Press el presidente de la Federación de Cofradíes de Pescadores de Cantabria, Manuel Vinatea, al cabu de la xunta que caltuvo güei en Santoña la Interfederativa del Cantábricu y Noroeste.
  
Tres l'alcuentru, que s'allargó mientres cerca de dos hores y media, Vinatea señaló que la flota de cercu va siguir amarrada a puertu hasta que los reciba la ministra". Amás, anque tovía "ta nel aire", ye "casi seguro" que van celebrar una concentración.
  
Los representantes del sector de Cantabria, Asturies, Galicia, Vizcaya y Guipúzcoa unviaron un comunicáu a Espinosa nel que piden una xunta pa esplica-y la "grave" situación creada tres el zarru del caladeru de xarda a la flota de baxura, lo que, según dicen, afecta aproximadamente a 385 barcos y 3.200 tripulantes.
  
"Esta situación déxamos ensin alternativa de continuidá", sorrayen, pa indicar que "la flota ta dispuesta a paralizar l'actividá de forma inmediata, unviando les sos tripulaciones al desemplegu hasta l'entamu de la próxima costera".
  
A lo último, señalen que lo asocedío creó "gran molición y alarma" ente la flota, polo que rueguen a la ministra que "nun retrase" la xunta.
 
Apoyu toral d'Oria
  
Per otru llau, y en relación a la xunta d'ayeri col titular de Desarrollu Rural, Ganadería, Pesca y Biodiversidá del Gobiernu de Cantabria, Jesús Oria, Vinatea indicó que'l conseyeru apóyalos dafechu".
 

Comparte...                                    

Enllaz permanente