El PAS pide al Ayuntamientu de Xixón equipación na zona rural

L’agrupación del Partíu Asturianista de Xixón vien de pidir al so Ayuntamientu la instalación d’equipamientos públicos na zona rural. La reivindicación céntrase nel nuevu parque de Vega-La Camocha, carente d’esti tipu de mobiliariu.
 

Dende l’agrupación xixonesa del PAS denuncien que al nuevu parque de Vega falten-y equipamientos públicos. Ponen exemplu coles “zones d’espardimientu infantil”, ente les qu’inclúin “xuegos con toboganes, balancines y otros elementos que puedan tar presentes nos equipamientos infantiles”. Tamién añaden que “ye necesariu otru tipu de mobiliariu urbanu como papeleres o más fontes”.

El Partíu Asturianista amás exise al Ayuntamientu de Xixón qu’esplique “qué pasa cola piscina de La Camocha”, argumentando que “nun se tán cumpliendo los plazos ni les feches d’execución”. Nesi sen, piden al Conceyal d’Urbanismu y al de la Zona Rural qu’esliquen en plenu el desendolcu de les obres.

Tamién otres parroquies
Otres parroquies como les de Xove o Roces d’Arriba tamién entren nes reclamaciones de los asturianistes, zones de les qu’opinen que “tán teniendo un crecimiento urbanísticu destacáu, pero nun tiene instalaciones o equipamientos deportivos nestos momentos”.

Comparte...                                    

Enllaz permanente