ASTURIES.COM
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
!Felices Pascues
y bon añu qu'entra!
|
|
|
ORIXEN DE LA NAVIDÁ
A lo llargo de los primeros sieglos del
cristianismu nun se celebraba una fecha en concretu pa conmemorar el nacimientu
de Cristo. Nun se sabia cuala fuere, en realidá, la fecha de nacencia de
Xesús de Nazaret de manera segura. Hasta bién de tiempu
depués de que se declarare'l cristianismu relixón oficial del
Imperiu Romanu el tema de la fecha sacta na que fué nacíu'l
Mesies nun fué precisada, oficialmente, pola Ilesia.
De toles maneres, nun
paéz mui seguro que'l Nazarenu naciere un 25 d'Avientu. Ye más,
dalgu- nos estudios hestóricos aseguren más bien otres feches, al
rodiu de los meses de marzu y abril, baxo'l signu d'Aries, el primer simbolu
del horóscopu, el del carneru, ¿Quiciás d'ehí
vién lo - del "Corderu de Dios"?. . metémonos nun campu
apasionante y esotéricu, pero que nun pasa de - los simples barruntos,
sospeches, y teoríes.
Más fácil paéz d'esplicar la teoria de que'l
cristianismu, comu toles relixones, superpunxo unes divinidáes a otres y
fizo coincidir la fecha del nacimientu de Xesús cola fiesta del
solsticiu d'iviernu, que se celebraba d'aquella en toles relixones y creyencies
conocies. Esti sols - ticiu d'iviernu celébrase a los seis meses del
veranu (actual San Xuan), y tá relacionáu cola - división
del añu en dos:metades de seis meses caúna (la de la lluz y la
vida y la de la escuridáy la muerte de la que yá tenemos falao
nel tiempu de Difuntos y nel Antroxu) que tantu conme moraben munchos pueblos
de l'antiguedá.
Per Navidá mengua la nueche y crez el dia, una dinámica
que tién de siguir hasta San Xuan, el dia más llargu y la nueche
más curtia. Un acontecimientu mui importante en toles práctiques
relixoses relacionaes col cultu solar. El Sol ye'l que gana a la
escuridá y les tiniebles del iviernu, que ye comu dicir que ye'l bien
(la lluz) que triunfa sobre'l mal (lo escuro). N'Orien te celébrase al
dios Mitra y nel Occidente a Belenos-, divinidaes relacionaes col sol. Una fe-
cha que, con toles característiques que tamos viendo, va venir mui bien
pa celebrar la llegada de Cristo (el Bién que vence al Mal).
Ye prestoso recordar comu la relixón católica guardaba
esta fiesta comu fiesta d'ayunu y - abstinencia pa conmemorar, con tola
solemnidá, ún de los momentos más importantes, sinon ye'l
que más, del cristianismu.Col pasu'l tiempu l'ayunu fué
dexándose y cambiándose pa otros dies.
El vezu tradicional yera, mui antiguamente'l d'ayunar la Nuechebona y
comer en Navidá, o polo menos nun comer carne. En 1.959 un Decretu del
Papa Xuan XXIII facia adelantar esti ayunu cristianu al dia 23 d'Avientu,
viéspera la Nuechebona.
|
|
TRADICIONES DE LA NAVIDÁ
Y LA NUECHEBONA
|
LA COMIDA
La nueche del 24 al 25
d'Avientu, Nuechebona, celebrábase n'Asturies comu en casique tola
cristiandá d'Occidente, con una cena familiar na que se tomaben los
productos de la tem- porada. Yera de gran importancia la carne, sobremanera la
del gochu, acabante celebrar los - samartinos, una bona oportunidá pa
comer carne, manxar escasu nes sociedaes campesines d'anti guamente, y por
estensión, en toles clases populares del mundu... el picadiyu y les
morcielles diben ser elementos perimportantes de la gastronomía
navidiega.
El vezu yera, y les más de les veces sigue siendo na actual
sociedá urbana, entamar los llabores de la cocina al mediudía,
preparando la cena Nuechebona, caciplando con potes, tarteres, cazos, sartenes,
calamiyeres, trébedes, y forna nos llares d'antañu. Esti trabayu
conseguia pa encima dir iguando un ambiente cálidu y bonable pa cuando
llegare la nueche. Delles veces, familia y invitaos collaboraben nel trabayu
(guapa costume que sí que paez que foi pa menos...).
La cena podía principiar con una sopina fégadu, y
siguir con picadillu, llonganiza, fégad encebolláu (siempre carne
la matanza), y carne asemeyáo adobáo, munches veces, con picante,
muz ede gus tu de la sociedá tradicional.
Tamién podía apaecer esi dia na mesa'l corderu, mui
usual nel menú navidiegu de los nuestros dies pero que hasta hai pocu
más de mediu sieglu yera un luxu reserváu casique n'esclusiva a
la xente más pudiente, o a los pueblos de montaña, onde los
vecinos facíen un"sacrificiu" nunca meyor dicho, y daben bona
cuenta d'un miembru de la reciella, ye dicir, del ganao menor.
Otra carne de temporada del Nadal yera la caza, el xabalin o gochu
montés, dalguna perdiz, arcea, o aves d'esti tiempu, y sobremanera la
llebre, de onde vién la tradición, tan viva tovía en
muches cases asturianes, de comer coneyu (criáu o cazáu) pa
Nuechebona.
Nos puertos de mar y les zones allegaes de les mariñes primaba
comer dalgún pescao de temporada, agora costume mui usual, pero que
d'aquella taba casique reducida al besugu. foi mui tipica n'Asturies
tamién la sopa d'almendra... consérvense vieyos recetarios nos
que s'enseña una cena de Nuechebona fecha con sopes d'almendra, besugu,
ensalada coliflor, y compota mazana pa de postre. Les almendres, comu l'arroz,
que nin se daben nin se dan n'Asturies, tuvieren tola vida una importante
presencia na cocina tradicional asturiana gracies al intensu comerciu de los
puertos asturianos con Europa y el Mediterráneu.
Por contra, el turrón ye un elementu muncho más de
recién nel menú navidiegu astur, pero que garró un fuerte
puxu, nun solo gracies al comerciu con otros llugares, sinon tamién, y
esto ye mester tenelo mui en cuenta pues ye perimportante, a la esistencia en
dalgunes ciudaes asturianes , comu ye´l casu de Xixón , de grandes
maestros replsteros y turroneros que llograren un gran ésitu gracies al
so bon facer. Nun podemos escaecer l´orixen d´un manxar tan de casa
comu ye la “ Tarta Xixonesa”. . . .
Los postres tradicionales asturianos pa esta nueche son les
casadielles o bollines, feches con nuez picao y masa dulce de fariña de
trigu, boroña, o escanda; la importantísima compota mazana,
apreciada de siempre; el quesu d'almendra, el lleche cuayao, o les
castañes amagostaes, ente otros...
|
EL DESAPARECíU "TRIBUTU DEL
CURA"
Primero de la Nuechebona
acontecia en munchos llugares d'Asturies un vezu esaniciáu pol pasu'l
tiempu, que se-y llamaba'l Tributu del Cura, y que se celebraba la tarde del 24
d'Avientu, cuando la xente de los pueblos facia un regalu, n'especia, al cura
la parroquia. En dellos conceyos los vecinos diben engalanáos col traxe
de fiesta y llevaben pites, güevos, mantega, cebolles, y otros productos.
Los cabeces de familia quedaben onde la ilesia y lluegu enfilaben el camin de
la Retoral, cantando coses comu:
Nació Señor Cura, el meyor Galán nació'l
neñu en pañales y la Virxen lu calecia, Al Neñu que ye
Neñu Al Neñu Xesús
Sábese que n'otros conceyos, comu ye'l casu d'Aller,
nomábase a esta costume'l Tributu la lleña, porque yera esto lo
que se ragalaba al párrocu, pa que se caleciere les llargues nueches
d'ivernada. Depués facíase un magüestin pa los neños,
mientres los mayores facien una fiestuca.
Esti vezu del Tributu del Cura, del que nun tenemos noticies que se
celebre n'actualidá ye muncho más importante de lo que
paéz, pues pudiere demostrase que la costume de regalar dalguna cosa a
daquién en Nuechebona nun ye del too, dafechu, una
"importación estranxera", y que yá esistia primero
dalguna tradición al respectu.
|
LA MISA DE GALLU
Depués de cenar yera de
tradición dir a la famosa Misa de Gallu. Nos nuestros díes les
más d'elles celébrense de tarde pa que la xente disfrute de la
cena tola nueche. Pero tovia hai munches que celebren entá esta misa a
la so hora orixinal... a les doce la nueche.
D'antiguo yera de gran tradición deir a la Misa de Gallu, un
auténticu alcuentru social pal pueblu o parroquia que la celebraba.
Independientemente de la so tradición relixosa, esta'l pueblu o
parroquia que la celebraba, que, amás de la so tradición
relixosa, simbolizaba la comuña de tolos vecinos pa celebrar la llegada
de la Navidá y tornábase tamién nuna fiesta pa una
sociedá que nun gozaba de tantos divertimentos comu agora.
Los vecinos aguantaben el fríu o la ventrisca con tal
d'allegase a la ilesia parroquial a participar del acontecimientu, pues yera
una celebración mui participativa... cantaben los coros villancicos y
canciones del Nadal, y depués faciense representaciones teatrales: los
célebres Misterios de Navidá o Autos de Navidá, con
diálogos ente xente que facia de pastor, d'ánxeles, y d'otros
personaxes nadaliegos. En dellos llugares, yera costume que les moces ficieren
muñequinos de trapu cola figura del Neñu Dios que depués
yeren espuestes nes cases o na ilesia pa ser oxetu de veneración.
Ye esta otra costume popular na que podemos achisbar l'orixen
más remotu de los Belenes o Nacimientos, una tradición cuyu
aniciu pué sumise nel tiempu más remotu y de la que se sabe que
fuere popularizada per tola Cristiandá polos flaires
franciscanos.
Na mesma representación de los Autos de Navidá podien
empezar a apaecer yá les primeres mazcaraes...gurrios, sidros,
zamarrones, bexigueros, y bardancos, ente otros munchos seres y personaxes que
nos traen l'anuncia que empieza'l ciclu del Antroxu al gritu de ¡¡
Antroxu yá, el día de Navidá!!, talu comu pué vese
nel apartáu que dedicamos a estes fiestes antroxeres.
|
LA NAVIDÁ DE LOS VAQUEIROS
D'ALZADA
Les tradiciones asturianes equi
presentaes son les más espardies y caracteristiques, de toles maneres,
ye preciso facer referencia a la celebración que facia de la Nuechebona
un grupu social tan antiguu de la sociedá astur comu'l de los Vaqueiros
d'alzada, que pasaben la vida al móu de los antiguos pastores
trashumantes... parte del añu nes brañes del valle y otra parte
nes de la montaña, tresladándose col ganao de los pastos d'arriba
o de l'alzada, a los d'abaxo y viceversa según fuere iviernu o veranu.
Esta manera de vivir fizo que la sociedá vaqueira tuviere munchos
años separtada y marxinada, mal vista polos sos vecinos y po- les
autoridaes, teniendo mesmamente problemes a la hora de dir a fiestes,
celebraciones, o actos litúrxicos , polo que les más de les veces
facienles ellos pa consigu mesmos.
Sábese que los vaqueiros de munches brañes
axuntábense a celebrar la Nuechebona en comuña y de manera menos
relixosa, cantaben hasta "arrebentare" les tradicionales vaqueiraes
que los ficieron famosos inclusu fuera de les fronteres asturianes. Homes y
muyeres, rapazos y rapaces de les brañes d'ente Tinéu y
Valdés, comu les d'Aristébanu, Busindre, Rellosu, y Las Tabiernas
xuntábense toos ellos baxo una cabanona a celebrar la Navidá al
son de payeches y pandeiros...
Los
Vaqueiros de la braña
tienen la vida ganada
pela mañana comen grupu
y de nueite la cuayada
Más quiero ser de la braña
ya que me chamen vaqueira
que nun ser de la marina
ya me chamen sardineira
Toos
vienen a mirare
comu baitsan las vaqueiras
son tan buenas pa baitsare
comu las perixileiras
El
señor cura nun baitsa
porque diz que tién corona
baitse señor cura, baitse
que Dios tolo perdona
Toca,
pandeiru toca,
que te tengu arreventare
delantre de quien you quisi
nunca quisiti tocare.
Alegrate
vaqueirina
Qu’esti añu hai bon maíz
tengo yo una panochona
barbada pela raiz.
|
LOS SANTOS INOCENTES
La fiesta de los Santos
Inocentes celebrábase na tradición asturiana comu en casique
tolos llugares: con bromes y inocentaes. Yera un dia nel que tenia de anadase
con muncho cuidáu en saliendo de casa porque siempres habia xente,
sobremanera rapacinos, qu'enrredaben con bro- mes de toa triba... nes cais, nes
places, nos mercáos, y hasta mesmamente pelos caminos y ca leyes de les
zones rurales. Les más de les veces les bromes nun pasaben de manga-yos
a los que pasaben al so lláu muñecucos de papel o calaveres
feches con tiza na espalda..
Tamién se cantaben coples relacionaes a estes xirigoncies
coles que yera mester reise de tol mundu: "Inocente para siempre, lleva la
carga y non la siente".
Otres veces les chancies podien dir a más, entrando nel
terrén del mal gustu. Yera'l casu de cominca-y al "inocente"
noticies falses o anuncies y avisos engañabobos que-y diben obli- gar a
facer una llarga caminada o dalgún trabayu o encamientu, pensando que
diba recibir visi ta dalgún amigu o familiar al que ye mester agasayar.
Comu en tolos llaos habia, y sigui habiendo inocentaes pa tolos gustos.
De mui antiguo esistia la creyencia que'l dia los Santos Inocentes
nun se podía trabayar, y si daquién lo facía, los
mentáos santos diben desgracia-y tol llabor, nun falatando'l que, ente
broma y chancia tuviere dispuestu a estropiar lo que quedare fecho.
Na Edá Media esistió una costume eclesiástica
mui chocante, que tenia llugar en grandes ilesies y nes catedrales.
Sábese que se practicaba en tola Europa Occidental, y que tamién
tuvo d'escenariu la Catedral d'Uviéu. Nesti día los cures,
flaires, y obispos dexaben los sos sitiales a los molacinos, los
"monaguillos", que facíen nesta xornada tolos oficios
litúrxicos menos el de la Misa, llegando mesmamente a crease la figura
d'un episcopellus o "neñu-obispu", que daba les bendiciones y
visitaba les abadies, ilesies, y monesterios de la diócesis, siendo
recibiu con tolos honores por abades y abadeses. Esta costume orixinó
tamién munches chancies y xaréos, y nun poques situaciones y
aconteceres picardiosos polo que, tando al tantu que nun se-yos fuere la manu
llegó a ser prohibida dafechu pola Ilesia Católica dende'l sieglu
XVI. Sábese que los coros eclesiásticos de
"cures-neños" llegaren a armar grandes folixes, espolinos, y
esparabanes, cantando en son de burla y picando les campanes a lo lloco, dando
un espectáculu mui pocu edificante pa la moral cristiano pero que ensin
dubia seria un cantu a la folixa ensin tasa que daría gloria
velo...
Anguañu,
n'actualidá, les bromes siguen siendo corrientes nel Dia los Inocentes,
siendo mesmamente yá una tradición el que los medios de
comunicación, periódicos, radios, y T.V. metan nesi dia una o
más noticies y anuncies en plan de burla o chancia, col enfotu puestu en
celebrar d'esta manera el dia esti tan señaláu.
Nun podemos dexar de lláu esti tema ensin facer mención
a la tresformación d'esta fiesta nuna celebración
gastronómica más del ciclu de la Navidá. Son
célebres nos nuestros dies los "Menús d'Inocentes" con
Moros y Cristianos (fabes pintes con arroz), de primer platu; Fabes con verdura
de segundu, y de postre Frixuelos Rellenos con Compota Mazana...iiPa rellambese
de gustu !!
|
LOS AGUILANDEROS
El ciclu de fiestes de la
Navidá entemécese col aniciu de les del ciclu d'Antroxu, esto
vese bien a les clares na tradición del Aguilandu, cuando mozos y moces
salíen per pueblos, barrios y llugares a pidir l'aguilandu de
Navidá en toles cases, munches veces vestíos pa la ocasión
y mazcaráos, armando xaréu con instrumentos musicales al estilu
de zamploñes, panderos, rabeles y de xemes en cuando, sobremanera en
villes urbanes, tamién gaites, guitarres, y bandurries.
Cantaben villaucicos y tocaben, dicíen coples,
parábense en cada caseriu, y nes ciudaes andaben toles cais y subiense a
los pisos. La xente dába-yos dalguna perruca (los célebres
riales), o tamién coses de comer, pa n'acabando entamar los aguilanderos
una gran llacuada...
"Nun
somos d'aborrecer
que cualquier cosa valnos
tocinucu, rabalucos
y riales de a ochu y de a cuartu"
"Denos l´aguilandu
señora por Dios
qu´equí tamos cuatru
y bailaremos dos"
Dellos investigadores afirmen que nel orixen lo de dir a Andar
l'Aguilandu faciase namás que'l día San Silvestre (31 d'Avientu)
y la segunda el día Reis, pero col tiempu xeneralizose a tolos dies de
la Navidá. Los mazcaritos teníen dellos nomes...Sidros en Nava,
Bardancos en Casu, en Llena Guirrios y Zamarrones, Zancudos en Quirós, y
Zaparrastros n'Aller. Nel apartáu que dedicamos a les fiestes del
Antroxu esplicamos les caracteríestiques d'estos personaxes y el
porqué de les fiestes de mazcaritos que se faen nesti tiempu.
Estes alegres recielles de rapacinos podíen dixebrase en
grupos, en munches zones había unos que yeren los "cantores" y
otros los "rabicos". Sábese que en Candás los
aguilanderos separtábense en tres grupos: los mayorales, 1os medianos, y
los pequeños, toos ellos con una función concreta. La manera
actuar de los aguilanderos ye mui asemeyada en tol Noroeste Penínsular..
Galicia, Asturies, y bon cachu de Lleón, quedando ñicios d'estos
vezos en llugares de la Estremadura... en Cantabria esistien "las
Marzas" nes que s'escoyía un "mozu mayor" pa xefe del
grupu, encargáu de llevar les cuentes de los regalos y facese cargu
tamién de la bolsa'l dineru.
Munches veces la contabilidá del aguilando facíase con
unes marques a cuchiellu nun de los palos de los rapazos. L'aguilandu
tenía de ganase con canciones y bailes, al son de la música y de
los palos, y tamién bailando y pegando pilos col palu o la
piértiga que llevaben. Andar l'Aguilando llamábase tamien Andar a
la Pica, y cuando sabíen que los amos d'una casa yeren relixosos o mui
devotos, o tamién anadaben de lutu, cambiaben los bailes y rises polos
rexos, inclusu llevaben "un rezador", orando dos pánuestros,
ún pol descansu de les ánimes y otru polos difuntos de la
casa.
"Que
baixen los chorizos
e las llunganizas
que baixen con priesa.
Nun nus
dean castañas
nueces nin avellanas
qu´ente caballeiros
é cousa ordinaria
"Deanos l´aguilandu
señora casada
güvos y tocín,
llonganiza asada"
Allá arriba n´aquel monte
hai una perra cagando
pa los amos d´esta casa
que nun nos dan l´aguilandu.
En dellos llugares, comu La Foz de Morcín yera de
costume repartise l'aguilandu na Casa Retoral, baxo la vixilancia del cura
párrocu, que tamién podía ser él mesmu'l que daba a
caún la so parte . Esta intervención "eclesial" pudiere
debese a dexar 1 enguedeyosu asuntu del repartu les dádives nes manes
d'un "neutral respetáu" o tamién de que la presencia
d'un cura valiere pa bendecir una actividá que pudiere dar llugar a
munches desconfiances. Seya comu foire lo cierto ye que la casa'l cura
tornábase tamién nuna fiesta alredor l'arroxada del forno na que
se magostaben les castañes que-yos regalaba'l párrocu mientres se
facía la operación del repartu.
|
EL SORTEU DE DEVOTOS:
LES "ESTRECHES" DE SAN SILVESTRE
El día San Silvestre,
1'últimu del añu, acontecia en munchos llugares una
tradición actualmente desapaecía, yera'l llamáu
"Sortéu de Devotos" o "Les estreches",nel que se
xuntaben tolos rapazos y rapaces del pueblu cola fin d'emparexase. Yera un
auténticu "sortéu de novios',' al que tamién
teníen derechu a participar tolos solteros y solteres del pueblu o
llugar. Les característiques del sortéu, que se-y llamaba
"Echar los Devotos" podíen cambiar según la locali
dá, pero no básico, consistíen en meter nun saquín
unos papelucos colos nomes de los participantes; solía haber ún
pa los nomes de les muyeres, y otru pal de los homes. El llamáu
"Quintu" yera l'encargáu de dir sacando los papeles, ún
de cada de cada vez, y nomando a les parexes que qúedaben feches d'esta
manera. Según afirmen los folkloristes y antropólogos esta
costume simbolizaba "estrenar l'añu" emparexáu. El
"devotu" taba obligáu a bailar cola "devota", facela
riír, agasayala, y n'acabando la fiesta, acompañala pa casa.
N'otros llugares yera al día siguiente cuando los mozos diben a buscar a
les moces a casa d'elles col papelín de la suerte y unos cordones que
teníen de ponese elles en pelu, tando xuntos tol día. En casu de
que los "emparexáos" yá tuvieren compromisu, esi
día teníen de resignase, de nun ser que yá foiren mui en
seriu y con fecha pa la boda, pues entós nin siquier solíen
participar nel "Sortéu de Devotos"
Anque mozos y moces yeren los más, el sortéu taba en
realidá abiertu a la presencia de tolos solteros y solteres. Lo
más prestoso yera cuando a daquién-y tocaba "cortexar"
con una persona de muncha más edá, o mesmamente, cuando se
metía en sacu'l nome de dalgún animal. La broma acababase con un
baile ente tolos participantes, y anque nun yera vinculante, el sortéu
daba llugar a dalgunos emparexamientos "formales" n'acabando'l xuegu,
por eso esisten tovia n'asturiano espresiones comu la de "tar comu mocina
nos devotos", sol significáu d'afayase y tar a gustu nun llugar, y
tamién coples comu la que díz...
Pepina
diba contenta
y blincando pel camín,
porque diba a los devotos
y diba alcontrar mocín.
Nun se tienen noticies que se celebraren más "Sorteos de
Devotos" o "Estreches", lo menos dende 1.936. La guerra civil y
les llaceries de la posguerra ficieron desapaecer munches tradiciones, delles
veces por prohibición espreso, comu ye'l casu de tolos bailes y
comparses de mázcaros, y otres poles tristures de la contienda y la
difícil posguerra, que dexaren a la xente ensin gracia pa entamar
munches folixes. Otres tradiciones, como la de pidir l'aguilandu sobrevivieren
malamente nos sos trazos más folklorizantes y uniformadores.
Poquiñin a pocu ye tiempu de dir recuperándoles, adaptaes a los
nuevos tiempos, pues son fundamentu importantísimu de la nuestra
identidá.
|
LOS REIS MAGOS
El tiempu de Reis celebrase
n'Asturies comu en casique tolos llaos onde se fae esta fiesta
d'Epifanía: ye día de regalos, sobremanera pa los más
críos. Anque antiguamente tamién yera día d'aguilanderos y
comparses. Nel apartáu de les fiestes del Antroxu dedicamos
artículos especiales a delles mazcaraes y tradiciones que se faen estos
díes, comu A Reisada del conceyu d'Ibias, pero nun ta de más
referver que dalgo tan conocío comu ye la famosa Cabalgata de Reis
tién el so orixen nesti gustu por mazcarase, que yá empezaba pel
tiempu los Difuntos y españaba colos aguilanderos de Navidá. Les
mázcares, nel so aniciu, representaben les ánimes de los
antepasáos que nestos meses, pensábase, aportaben al mundu los
vivos, y tamién a los mostros del avernu qu'aprovechaben esta
"ventana ente dos mundos" que se creía abríase
concidiendo colos meses del Iviernu (los meses de la muerte, comu tenemos
visto), pa apaecese a los mortales. Son antigues creyencies mui anteriores al
Cristianismu, comunes a munchísimes cultures indoeuropees, sobre les que
se foiren superponiendo les idees y los mitos de les nueves relixones.
La mesma Cabalgata Reis nun dexa ser un enorme baile de mazcaros, la
personificación cristianizada de les ánimes del Inframundu a les
que yera mester tratar bien pa que "traxeren regalos", que ye lo
mesmo que trayer buena suerte y ayuda pa ser a llograr los sueños que
tién toa persona.
El vezu de dexar comida la Nueche de Reis na cocina la casa, o nel
llar, pa que la tomen los Magos o los sos acompañantes, yera en
principiu la mesma comida que se-yos dexaba a les ánimes les nueches que
visitaben la tierra (un vezu común en casique toles cultures antigues),
y lo que foiren les sos cases. Nun comíen la comida
"material", alimentábense de la "esencia" , el
"golor", "l'arume", por eso se decía que si pela
mañana la comida taba entero eso nun importaba. El carbón ye otru
símbolu... lo negro, la escuridá, les tiniebles, el castigu a los
malos comportamientos, o el castigu de les ánimes a los que nun se
portaren bien pa con ellos.
Por eso la Navidá y toles sos fiestes caractericense por ser
momentu de "propósitos d’enmienda", de ser
"meyores", y de reparar los males que se hubieren podío
facer.
Torner descubrió en Nembra, conceyu d'Aller, una
estraña costume, na que los aguilanderos mercaben llambionaes y frutes
coles perres llograes esos díes, y compraben tamién un gallu, al
que mataben nun macabru xuegu de decapitación. Depués col gallu y
les llambionaes armaben una gran llacuada na que yera'l centru el rapaz que
foire a cortá-y la cabeza al gallu, que ye'l primeru en servise,
mientres empezaben una copla qu'empezaba...
El
día los Reis, siñores
la primer fiesta del añu
toos, dames y galanes
al Rei piden l'aguilando...
Estes maneres d'entamar una fartura ente collacios y
amigos nun dexa d'asemeyase estrañamente a les que teníen los
antíguos pueblos célticos na que'l guerreru de más valir
empezaba él a servise la porción más saborgiosa de la
pieza cocinada, la famosa "parte del campeón", lluéu de
ser a demostrar que yera'l más arteru, hábil, y fuerte del
grupu.
De toles maneres, no de adaptar a los nuevos tiempos usos, costumes,
o tradiciones d'antañu siempres vamos ser partidarios de desaniciar tol
martiriu o maltratu que se-yos faiga a persones y animales, esti sí ye
un vezu que tien de desapacer, tantu si ye "autóctonu" o
"importáu", si ye que en verdá somos una sociedá
más avanzada y culta que les anteriores...
|
|
 |
YE TIEMPU DE:
|
|
|
|
|
|
|
|
|
|
|
|
|
