|
TOPONIMIA
Conceyos y Parroquies d'Asturies
Ye bien sabío que cualisquier comunidá humana qu'escueye un
territoriu pal so asitiamientu, divídelu y sepártalu acordies col
usu que d'elli tenga de facer, al empar que va nomando cada espaciu
acutáu. Estos nomes enxamás los determina'l caprichu,
correspuéndense les más de les veces coles
carácterístiques xeográfiques del llugar o tamién
col nome o nomatu de quien lu esplote o habite en propiedá. Los estudios
sobre la toponimia d'Asturies, emprimaos yá por Xovellanos,
siguíos na postrer metada d'esti sieglu, dan bona cuenta d'ello. Al
mesmu tiempu detecten un fenómenu frecuente equí y n'otres aries
con dalgún rexistru llingüísticu diferenciáu del
oficial: nun se da la correspondencia esperada ente los usos orales y lo que se
reflexa nos catastros, nomenclator, mapes y otros documentos al ministrativos
nos que s'intenta traducir el topó ;nimu a la llingua oficial del
Estáu, privándolu -en munches ocasiones- del conteníu
significativu que tienen tolos topónimos, desvirtuando -otres veces- el
so valor históricu, xeográficu y afectivu.
Recuperar y caltener les formes tradicionales -los nomes verdaderos- na
toponimia asturiana, los sos nomes propios, ye un xeitu de respetu pa cola
historia humana y cultural d'Asturies.
En 1987, tres de dellos trabayos y investigaciones la Xunta de Toponimia del
Principáu d'Asturies, fexo una propuesta de topónimos asturianos
que s'asoleyó nun llibru. El llibru mentáu contenía
abondos enquivocos, siendo sustituyíu a efectos prácticos nel
añu 2001 pol volume de l'Academia de la Llingua Asturiana,
"Conceyos, parroquies y llugares del Principáu d'Asturies".
Nel añu 2004, la la Xunta Asesora de Toponimia del Principáu
d'Asturies volvió a reunise y dende esi añu vien trabayando na
ellaboración d'espedientes toponímicos por conceyos que tienen
valor oficial y llegal a tolos efectos. El compromisu verbal alquiríu
nel añu 2007 pola titular de política llingüística
Consuelo Vega ye qu'esti llabor pueda rematase na llexislatura qu'acaba nel
2011 y que s'oficialicen los decretos de tolos 78 conceyos.
Ver decretos toponímicos yá aprobaos na web de la Oficina de
Política Llingüística (enllace esternu)
http://www.politicallinguistica.org/toponimia.php
|
