DEPRENDE ASTURIANU
Tema II: Signos o marques ortográfiques: l'acentu, la diéresis y
el guión curtiu.
L'acentu
Les normes d'acentuación n'asturianu son les mesmes
qu'en castellanu*. Sicasí convién tener en cuenta delles coses:
*Lleven acentu: Toles pallabres agudes acabaes en vocal -n o -s.
Toles pallabres llanes acabaes en consonante que nun seya nin -n, nin -s.
Toles pallabres esdrúxules.
Monosílabos
Los monosílabos nun lleven acentu (tilde). Poro, repara nes pallabres
que n'asturianu tienen una sílaba, anque en castellanu tengan
más, y nun s'acentúen,
llau (lado), deu (dedo), mieu (miedo), soi, fui, dio, prau (prado)
Diptongos y Triptongos
Los diptongos y triptongos acentúense (cuando cumplan les normes
xenerales d'acentuación) llantando l'acentu na vocal más abierta.
(Les vocales abiertes sons zarraes, son /a/< /e/</o/ y les zarraes
/i/</u/. Alcuérdate tamién que pa que consideremos qu'existe
un diptongu tien qu'haber una xuntura de dos sílabes y una d'elles tien
de ser zarrada *(/i/ o /u/).
Ex: facéi, abogáu,
castañéu.
*Repara que si nun hai una vocal zarrada nun se considera qu'hai diptongu y
polo tanto nun s'acentúa. Asina abogaes ( non *abogáes), separtao
(non *separtáo), etc
Acentuación de formes con pronome pospuestu
Una de les característiques más conocíes de la llingua
asturiana ye la posposición al verbu del pronome en munches ocasiones
(el pronome va tres del verbu). Asina ye como s'acentúen les pallabres
que s'alcuentren nesi casu:
a) Si una forma verbal lleva l'acentu por sí mesma, consérvalu al
amesta-y ún o dos pronomes átonos:
Ex: mercó, mercólu; baxáis, baxáislu;
algamó, algamóvoslo.
b) Cuando se-y amesta ún o dos pronomes átonos a una forma verbal
que nun tien acentu por sí sola, prondráse-y si'l conxuntu
resulta una pallabra esdrúxula:
Ex: presta, préstame; dixo, díxo-yos; falen,
fálente.
c) El pronome -y (le en castellanu) cunta siempre como una
sílaba.
Ex: quita, quíta-y (quítale), dan,
dán-ylo (se lo dan)
Acentuación diacrítica
Los acentos diacríticos úsense pa estremar una pallabra d'otra y
tornar l'equivocu.
Dellos acentos diacríticos en monosílabos:
| á (esclamativu) |
a (preposición) |
| cá (sustantivu
(casa) |
ca (indefiníu) |
| pá (nome) |
pa (preposición)
|
| ún (pronome) |
un (axetivu) |
| nún (en + ún)
|
nun (en + un,
negación) |
| él (pronome) |
el (artículu) |
| nél (en + él)
|
nel (en + el) |
| d'él (de + él)
|
del (de + el) |
| nós (nosotros/es)
|
nos (pronome átonu)
|
| vós (vosotros/es)
|
vos (pronome átonu)
|
| más (alverbiu) |
mas (conxunción) y
mas (plural de ma) |
| tán (verbu tar) |
tan (alverbiu de
cantidá) |
| sé (verbu saber y
verbu ser) |
se (pronome átonu)
|
| sí
(afirmación) |
si (condicional) |
| yá (alverbiu) |
ya (conxunción
"y") |
El guión curtiu
Emplégase, ente otros casos:
a) Delantre del pronome personal -y (le/se en castellanu) y nel so
plural -yos (o -ys) (les/se en castellanu).
Nun-y les estropies, ¿cómo-y lo punxo?, da-yos los discos
b) Pa separtar una forma verbal terminada en -l, d'un pronome
enclíticu lu, la lo, los, les.
Ye caru pero valir val-lo,
Si nun golisti aquello, güel-lo
c) Pa separtar les formes verbales de 3ª persona del singular terminaes en
-s del pronome enclíticu se.
La ropa cues-se rápido
Exercicios
Alcuentra les faltes ortográfiques d'estes frases y
escríbiles bien:
Esi camion ye de Manolin (Ese camion es de Manolito)
¡Á Silvo! dame peres. mazanes. piescos y
tomates que nun tean mui verdes (¡Oye Silvo! dame peras. manzanas.
melocotones y tomates que no estén muy verdes)
Vos fixistis lo que vós dió pola gana
cómo siempre (Vosotros habéis hecho lo que os ha dado la gana
como siempre)
Si nun lo molisti, muel;lo (Si no lo has molido,
muélelo)
Comio-y un xátu la rapósa. (Le comio un
ternero la zorra)
Coloca l'acentu onde correspuenda a estes pallabres y
espresiones:
tan na tenada, mio pa riñome, nun se porque nun
vieno
toco-y, pesau, echaralo, un dixo que si, xiblente, selo
esa moto ye d'el, torguen-ylo, cuntalo (cuéntalo),
comentovos, saltolu
sabralo, vos cantais, estos tan llocos, ya lo se, toi pa Ca
Xuacu, más te val
|
